يجماعة الخير انا بحذر اي حد اشتغل او هيشتغل مع امازون انه يكمل معاهم

اقسم بالله انا امبارح حصل معايا مصيبة كبيرة من مندوب شحن بديل للمندوب الامين الي ماسك منطقة المعادي (عم سيد)

المندوب الجديد جه سلم اخويا لاني مكنتش موجود 13 مرتجع

وهو ضرب على الجهاز عنده 14 مرتجع بس رجع لاخويا 13 فقط وضرب على واحد عنده وسرقه

ال 13 مرتجع راجع فيهم 3 اوردرات فاضيين فلاير فاضي حرفيا مفهوش غير البابل بتاعي

هقولك الكبيرة, الاوردرات دي اوردرات موصلتش مش اوردرات راحت للعملاء ووصلت وراجعه كدة من العميل لأ دي اوردرات RTO

المندوب ده حرامي وانا كلمته وقولتله ارجعلي انتي سارقني في 1 2 3

رفض يرجع وفضل مبيردش على المكالمات وقفل في وشي وبعدين عمل للرقم بلوك

كلمت مدير في خدمة العملاء قالي انا مصدقك وابعت كل حاجة لفريق SAFE-t وهما هيعوضوك

بعت كل حاجة وكل المستندات والسكرينات من المكالمات والشات بيني وبين المندوب الحرامي وفيديوهات وانا بفتح الشحنات دي وهي لسه مقفوله مش فلاير مفتوح لأ لسه بقفلته وبعت كل ده

كل حاجة بعتها اترفضت

اترفضت عشان انا باعتلهم اني مسروق في 4 شحنات ف بيقولولي نشاطك في طلب التعويضات من فريق SAFE-t يتطلب عدم الموافقة عليه

كل ده عشان مقدم كذا شكوى ورا بعض وكلهم بدلايل

بيقولولي ان انا الي نصاب واني اخبط دماغي في الحيط الحرامية

انا عايز حد يساعدني يقولي اعمل ايه اقسم بالله ال 4 شحنات دول غاليين جدا وضيعوا عليا مكسب الشهر كله

حسبي الله ونعم الوكيل نشتغل شهر كامل من تعبنا ومجهودنا ويضيع عشان مناديب وشركة حرامية

انا عايز حد يساعدني يجماعة ابوس ايديكم